منتديات رجل الفولة
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 وفاة الشاعر/ محمد الحسن حميد

اذهب الى الأسفل 
كاتب الموضوعرسالة
Admin
Admin
Admin


عدد المساهمات : 15
تاريخ التسجيل : 28/07/2009

مُساهمةموضوع: وفاة الشاعر/ محمد الحسن حميد   الأربعاء مارس 21, 2012 5:26 am

ان لله وان اليه راجعون .
اللهم ارحم محمد الحسن حميد واسكنه فسيح جناتك مع الصديقين والشهداء .
اللهم ادخله الفردوس .
ا
لواســــــــــــوق



من الواسوق أبت تطلع


من الأبرول أبت تطلع

من الأقلام أبت تطلع

من المدفع طلع خازوق

خوازيق البلد زادت

يفيض النيل .. نحيض نحن

يظل حال البلد .. واقف

تقع محنة

ولا النيل القديم ياهو ... ولا يانا

نعاين فى الجروف تِنهد .. ولا يانا

رُقاب تمر الجدود تِنقَص .. ولا يانا

متين إيد الغُبُش تتمد

ولا قِدّام

تتِشْ عين الضلام بى الضو

تفرهِد شتلة لا هدّام

ولا فيضاً يفوت الحَد

عُقُب يا نيل تكون ياكا

ونكون أهل البلد بى الجد



يا مطر عِز الحريق

يا مصابيح الطريق

يا المراكبيى البتجبِد .. من فك الموج الغريق

جينا ليك والشوق دفرنا

يا نشوق روحنا ودمَرنا

يا المحطات الحنينى القصّرت مشوار سفرنا

ياما شايلك بينى حايم

لا الليالى المخمليى

لا العمارات السوامق .. لا الأسامى الأجنبيى

تمحى من عينى ملامحِك

وإنتى جايى المغربية

.. دايشى .. داقسى .. المغربيى

وشِّك المكبوت .. مكندك

سمسونايتك زمزميى

كون شِبِر .. طوريى .. مُنجَل

سِبحِى .. فانوساً مدردح

قلتى بيهن لى زمانِك

يا زمان الحاجى عِندك

يا زمان الآهة حدّك

لا تَطَى الوردة الصبيى
حائطي


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://riglalfola.rigala.net
 
وفاة الشاعر/ محمد الحسن حميد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدى العام :: المنبر الحر-
انتقل الى: